Nuggets, nakarekober sa Game 5
DENVER (AP) – Nakarekober ang Denver Nuggets mula sa sunud-sunod na pagkatalo upang mapigilang mapatalsik sa pamamagitan ng 107-100 panalo kontra Golden State Warriors.
Pinabagal ng Nuggets ang mga guwardiya ng Golden State at bumangko sa kanilang transition game upang makakuha ng 22 puntos na abante bago naharang ang rally ng Warriors sa fourth quarter.
Nakatakda ang Game 6 bukas sa Oakland. Lamang ang Golden State sa serye, 3-2.
Dahil sa panalo, naiwasan ng Nuggets na tuluyang malaglag sa first round sa ikaapat na sunod na season at ikasiyam sa huling 10. Ang kanilang huling paglusot sa first round ay noong 2009, kung saan tinalo sila ng Los Angeles Lakers sa Western Conference finals.
Naglista si Andre Iguodala ng 25 puntos at 12 rebounds, 19 puntos at 10 assists ang nagmula kay Ty Lawson, at nagdagdag si Kenneth Faried ng 13 puntos at 10 boards.
Naging malamig naman si Stephen Curry, nagmintis sa kanyang unang limang 3-pointer, bago nakabuslo ng isa sa huling 5:09 upang hilahin ang Golden State sa 96-91.
Siya ay nagtapos na may 1-of-7 shooting mula sa arko at umiskor ng 15 puntos. Nanguna si Harrison Barnes para sa Golden State sa kanyang 23 puntos at 9 rebounds.
Sinagot ni Faried ang nag-iisang 3-pointer ni Curry nang isalaksak nito ang isang dunk upang gisingin ang Nuggets na nalingat at hinayaan ang Golden State na magkaroon ng 11-0 run sa ikaapat na yugto na pinangunahan ni Klay Thompson.
Hindi pumasok ang magkasunod na tres nina Curry at Thompson na magdidikit sana sa kanila sa dalawang puntos sa huling dalawang minuto, binigyan ni Wilson Chandler ng mas malaking espasyo ang Nuggets nang magpakawala ito ng sariling 3-pointer para sa 103-95 iskor. Nagtapos si Chandler na may 19 puntos.
Matapos na makatikim ng tatlong sunod na pagkatalo ang Nuggets, ipinako ni coach George Karl ang kanilang pag-asa sa kanilang pagbabalik sa Pepsi Center, kung saan hindi pa natatalo ng dalawang sunod ang Nuggets mula noong Pebrero 8-9, 2012.
Sa pagdidikta ni Faried sa tempo ng laro, at mahigpit na pagdedepensa nito kay Andrew Bogut, sumirit sa 36-22 na abante ang Nuggets sa kanilang pinakamagandang quarter sa serye.
Nakatala ang iskor sa 44-31 nang itulak nito ng malakas si Faried dahilan upang tumilapon ito mula sa ilalim ng net. Tinawagan si Bogut ng flagrant-1 foul at naibuslo ni Faried ang 1 sa dalawang free throws nito na sinundan ng layup ni Andre Miller.
Susubukin ng Nuggets na maitabla ang serye sa 3-3 sa Oakland at ibalik ang laban sa Denver para sa Game 7 rubbermatch.
View the original article: http://www.balita.net.ph/2013/05/02/nakaporma-pa/
Start your #business for a low #startup price of $3 at
http://www.uconnective.comTo Signup you must have a #UCO coin, you can #BUY it with only $3 from
ClickAlert or Send e-mail at
clickalert@ymail.com or Call/SMS to +1 (202) 599-1808 and start earning $51 per day!
