Christian Bautista, nagulat na bida agad sa GMA-7

Ni Nora Calderon

MASAYA at nagpapasalamat si Christian Bautista sa GMA-7 na sa morning romantic-comedy TV series na With A Smile, unang project niya sa Kapuso Network, lead role agad ang ibinigay sa kanya.

“Nagulat talaga ako na lead agad ang character ko sa morning series ng GMA,” nakangiting wika ni Christian nang makausap namin sa presscon ng With A Smile. “Hindi naman ito ang una kong paggawa ng soap, dahil may mga ginawa na rin naman ako noon sa ABS-CBN, pero hindi ko inisip na dahil bago lang ako rito, bibigyan na agad ako ng malaking role. Siyempre, may konting kaba, pero nawala agad ‘yon nang magsimula na kaming mag-taping.



“Napakabait at very helpful si Direk Louie Ignacio at itong dalawa kong kasama, sina Andrea Torres at Mikael Daez, madali akong naging comfortable sa kanila dahil masarap silang kasama. Masaya ang atmosphere lagi sa aming set.”

May nagbiro kay Christian na inagaw daw niya ang project kay Mark Bautista.

“Hindi po ‘yon totoo, saka friends kami ni Mark, matagal kaming nagkasama noon sa ABS-CBN. Ngayon nga, kami ang leaders, with Jolina Magdangal and Jennylyn Mercado, sa nalalapit na Sunday noontime show, ang Sunday All Stars na magsisimula na sa June 16 (bukas).”

Inamin ni Christian na medyo nalungkot siya na gayong two months pa lamang siya sa Party Pilipinas ay nawala na ito sa ere, marami siyang natanggap na pamba-bash sa Twitter, na iyon daw ang napala niya sa paglipat niya sa GMA, wala na raw siyang mapupuntahan pa.

“Pero sabi ko, hindi mo naman alam kung ano ang mangyayari, ang magandang gawin mo, mag-move on at magsimula ulit. Actually, bago naman nawala ang Party Pilipinas, alam ko nang may kapalit ito at kasama nga ako. Ang maganda rin sa Twitter, may mga supportive naman at magki-care sa iyo. At hindi nga lang ang bagong musical-variety show ang ibinigay nila sa akin, heto pa ang With A Smile.

Ready naman ba siya tumanggap ng medyo daring na role, na may kissing scenes?

“Gusto ko rin namang mag-try ng ibang role, pero saka na ‘yon. Dito kasi sa morning soap namin, pangingitiin namin kayo dahil wholesome ang story namin. Ako rin ang kumanta ng theme song nito na Ngiti. Idagdag ko na rin na ako ang kumanta ng theme song ng Maghihintay Pa Rin nina Bianca King, Rafael Rosell at Dion Ignacio, ang Maghihintay Sa ‘Yo. Thankful ako sa lahat ng nangyayari sa akin dito.”

Samantala, hindi totoo ang tsika na babalik na sa Singapore ang kanyang Russian girlfriend na si Carla Dunareanu dahil hindi nito type ang buhay dito sa ‘Pinas. Marami nga raw itong work dito, like hosting jobs. Hindi na sumagot ni Christian nang tanungin tungkol sa relasyon nila ni Carla, gusto na raw niyang manatiling private ang kanyang lovelife.

Sa Lunes na, June 17, mapapanood ang With A Smile at 10:15 AM, bago ang koreanovelang Unexpected You. Nasa cast din sina Vince de Jesus, Miggs Cuaderno, RJ Padilla, Soliman Cruz, Gilleth Sandico, Protégé finalists Mikoy Morales, Shelly Hipolito, Bryan Benedict at Kimpoy Feliciano.

View the original article: http://www.balita.net.ph/2013/06/15/christian-bautista-nagulat-na-bida-agad-sa-gma-7/



Start your #business for a low #startup price of $3 at http://www.uconnective.com

To Signup you must have a #UCO coin, you can #BUY it with only $3 from ClickAlert or Send e-mail at clickalert@ymail.com or Call/SMS to +1 (202) 599-1808 and start earning $51 per day!