Ipinakilala na nitong nakaraang Linggo si Chadleen Lacdo-O bilang unang grand winner ng Kanta Pilipinas, ang ground-breaking reality singing search ng TV5. Iniuwi niya ang mga premyong P1-M cash, recording contract, at management contract sa TV5.
Mula sa hopefuls na nanggaling sa iba’t ibang probinsiya, 24 na may pinakamagagaling na boses ang naglaban-laban upang mapabilang sa Top 12. Bawat linggo, iba’t ibang pagsubok ang hinarap ng finalists hanggang sa mapili ang Top 8. Iba’t ibang experts din mula sa music industry ang kanilang nakatrabaho. Dumaan din sila sa mabusising deliberation ng Kanta Pilipinas host na si Rico Blanco kasama ang judges na sina Ryan Cayabyab at Lani Misalucha. Apat lamang mula sa Top 8 ang nakasama sa grand finals.
Ipinakita ni Chadleen ang kanyang galing sa pagkanta sa performances niya sa Kanta Pilipinas at pinatunayan ang kanyang kakaibang maihahandog sa musikang Pilipino.
Sa kanyang taglay na ganda, sino ang mag-aakalang ipinanganak si Chadleen na may cleft palate? Naoperahan siya noong 20 months old pa lamang siya, at pagkaraan ng apat na taon ay naging ambassador si Chadleen ng Operation Smile.
Bilang grand winner ng Kanta Pilipinas, nagsisilbing inspirasyon si Chadleen sa maraming kabataan upang tuparin ang minimithing pangarap.
“Nagpapasalamat ako sa Panginoon sa pagkakaloob sa akin ng talento at sa lahat ng taong sumuporta sa akin sa Kanta Pilipinas. Isa pong karangalan na maitanghal bilang grand winner ng unang reality singing search ng TV5. Sana ay na-inspire ko ang kabataan na ipagpatuloy nila ang kanilang mga pangarap sa kabila ng mga pagsubok na kanilang pinagdadaanan at palaging maniwala sa sarili,” kuwento ni Chadleen.
Related Posts:
- Rico Blanco, TV host na
- ‘Kanta Pilipinas,’ may nationwide auditions
- P2M ng ‘Pilipinas Got Talent 3,’ iniuwi ng…
- Sino ang tatanghaling ikatlong grand winner sa…
- Angeline, sinabotahe sa ‘Himig Handog’?
View the original article: http://www.balita.net.ph/2013/03/29/chadleen-wagi-sa-kanta-pilipinas/
Start your #business for a low #startup price of $3 at http://www.uconnective.com
To Signup you must have a #UCO coin, you can #BUY it with only $3 from ClickAlert or Send e-mail at clickalert@ymail.com or Call/SMS to +1 (202) 599-1808 and start earning $51 per day!
No comments:
Post a Comment