Nora, Eddie wagi sa Pasado

Ni Pit M. Maliksi

SI Nora Aunor (Thy Womb) ang tinanghal na best actress at sina Jorge ER Ejercito (El Presidente), Eddie Garcia (Bwakaw), at Bembol Roco (Thy Womb) naman ang best actor sa Pampelikulang Samahan ng mga Dalubguro o Pasado.



Sina Briliante Mendoza (Thy Womb), Mark Meily (El Presidente), at Jun Lana (Bwakaw) naman ang isa sa tinanghal na best director.

“Ito na ang pinakaprestihiyoso o nangungunang award na natanggap ko dahil galing ito sa mga respetadong guro mula sa iba’t ibang pamantasan,“ sabi ni Briliante Mendoza at halos lahat ng pinarangalan ng Pasado ay ganito rin ang pagpapasalamat nang tanggapin ang kani-kanilang tropeo sa ginanap na gawad parangal noong Abril 27 sa National Teachers College.

Maganda ang presentasyon at daloy ng programa na ayon sa mga manonood ay akademyangakademya ang dating.

Pinarangalan din bilang best supporting actress si Lovi Poe (Thy Womb) at best supporting actor naman si Cesar Montano (El Presidente).

Lahat ng pinarangalan ay dumalo maliban kina Nora Aunor, Lovi Poe at Bembol Roco.

Nakopo ng Thy Womb at ng El Presidente ang technical awards. Dumalo rin si German Moreno upang personal na parangalan ang mga napiling Huwarang Kabataang Artista na sina Jake Vargas at Bea Binene.

Ipinakita ng Pasado na sila ay tunay na edukado at tunay na katuwang ng iba pang naggagawad parangal dahil buong puso nilang binigyan ng pagkakataon na iabot na muli kay Nora Aunor ang kanyang FAMAS Presidential Excellence Award for Cinema Arts dahil sa kanyang pagkakamit ng siyam na international best actress awards mula sa limang kontinente ng mundo.

Ayon sa superstar, hindi siya nakadalo dahil nasa Nueva Vizcaya siya sa shooting ng bagong indie film ni Mes de Guzman na Ang Kuwento ni Mabuti.

View the original article: http://www.balita.net.ph/2013/05/02/nora-eddie-wagi-sa-pasado/



Start your #business for a low #startup price of $3 at http://www.uconnective.com

To Signup you must have a #UCO coin, you can #BUY it with only $3 from ClickAlert or Send e-mail at clickalert@ymail.com or Call/SMS to +1 (202) 599-1808 and start earning $51 per day!