Kris Aquino, lagari sa pag-eendorso

Ni Leonel Abasola at Nannet Valle

Kung mayroong “Cory Magic” noon, mayroon din kayang “Kris Magic” ngayon?

Ito ay matapos kumpirmahin ng ilang mga kandidato na lagare ngayon ang tinaguriang “Queen of All Media” sa pag-eendorso ng kanyang sinusuportahang political candidate sa May 13 elections.



Kabilang dito si re-electionist Sen. Francis “Chiz” Escudero matapos ihayag niya kahapon na sasamahan siya ng tanyag ng presidential sister sa kanyang pangangampanya sa General Santos City, Davao City, Cebu at Tacloban City.

Ani Chiz, kasama rin ieendorso umano ng tanyag na actress/TV host ay si General Santos City Mayor Darlene Custodio habang sa Tacloban, itataas din umano ni Kris ang kamay ni An Waray Party List nominee Bem Noel na ngayon ay tumatakbo sa mayoralty race ng siyudad.

Dahil sa lantarang suporta ni Kris, na tinaguriang top endorser ng iba’t ibang commercial product, naniniwala si Escudero na posibleng umangat pa ang kanyang posisyon sa senatorial race na kasalukuyang naglalaro sa pagitan ng ikalawa hanggang ika-apat na puwesto base sa mga senatorial survey.

Samantala, inendorso rin ng bunsong kapatid ni Pangulong Benigno S. Aquino III ang buong ticket ni reelectionist Taguig City Mayor Lani Cayetano sa pamamagitan ng pagsama ng top celebrity endorser ang mga kandidato sa motorcade na isinagawa sa lugar kahapon.

“Kami po sa TLC (Team Lani Cayetano) ay natutuwa na suportado kami sa kampanya mismo ni Kris Aquino,” pahayag ni Mayor Lani na kumakandidato para sa kanyang ikalawang termino.

Nagsimula ang TLC motorcade kasama si Kris sa Cayetano Sports Complex sa Barangay Bagumbayan na umikot din sa District 1 at District 2 at nagtapos sa Usano Park sa Upper Bicutan.

Binansagan bilang “Cory Magic,” matatandaan na maraming naipanalong kandidato ang yumaong ina ni Kris na si Pangulong Corazon Aquino nang iendorso ang kandidatura ng ilang pulitiko noong kanyang panunungkulan sa Malacañang mula February 1986 People Power Revolution hanggang sa pagbaba nito sa puwesto at suportahan ang kandidatura ng noo’y presidential bet Fidel V. Ramos.

View the original article: http://www.balita.net.ph/2013/05/02/kris-aquino-lagari-sa-pag-eendorso/



Start your #business for a low #startup price of $3 at http://www.uconnective.com

To Signup you must have a #UCO coin, you can #BUY it with only $3 from ClickAlert or Send e-mail at clickalert@ymail.com or Call/SMS to +1 (202) 599-1808 and start earning $51 per day!