RP Badminton, umangat sa ranking

Umangat mula sa pagkakasadlak sa pinakamababang puwestong kinasadlakan ang Philippine Badminton Team matapos lumahok sa prestihiyosong Sudirman Cup 2013 na ginanap sa Putra Stadium noong Mayo 19-24 sa Kuala Lumpur, Malaysia.



Umakyat sa ika-23 mula sa ika-29 puwesto ang Pilipinas na ikinatuwa naman ni 2nd District Negros Occidental Representative Alfredo “Albee“ Benitez na muling nahalal bilang Philippine Badminton Association secretary general.

Unti-unti na aniyang nakakamit ng RP Shuttlers na bunga ng malalim nitong pagsasanay na nakamit sa ilalim ng pagtuturo ni Olympian coach Rexy Maniaky.

“Two years ago, we were ranked 29th out of 32 countries. Now, we moved up to 23rd. Next time around, maybe nasa Group B na tayo. Medyo sumusundot-sundot na tayo sa international competitions. It showed us a way that malapit-lapit na tayo. We just need to improved our standard more,“ sabi ni Benitez.

Nagawang talunin ng 16 katao na RP squad ang New Zealand (3-2) bago natalo sa Ukraine (0-5). Agad itong bumawi sa Sri Lanka (3-3) bago magkasunod na binigo ang Turkey (3-2) at ang Australia (3-2) sa crossover match.

“Malaking improvement ng team dahil hindi tayo manalo sa mga bansang nakatapat natin noon. Pero ngayon, we could see improvement dahil sa panalo natin in this edition. Kailangan pa natin na maiangat ang ating level so we have a good chance lalo na sa international tournaments,“ sabi ni RP coach Malvin Alcala.

Ang RP Shuttlers ay binubuo nina Antonino Benjamin Gadi, Aries Delos Santos, Gerald Sibayan, John Kenneth Monterubio, assistant playing coach Kennevic Asuncion, Mark Shelly Alcala, Paul Jefferson Vivas, Peter Gabriel Magnaye, Philip Joper Escueta at Ronel Estanislao.

Sina Dia Nicole Magno, Gelita Castilo, Joela Geva De Vera, Kristelle Dawn Salatan, Malvinne Ann Venice Alcala at Maria Bianca Carlos naman ang bumubuo para sa women’s team.

Ang Sudirman Cup ay kinikilala na world mixed team badminton championship na isinasagawa kada dalawang taon. Mayroon itong limang laban kada round na men at women’s singles, men at women’s doubles at mixed doubles.

Walang nakatayang prize money sa Sudirman Cup kundi para sa mga manlalaro na irepresenta ang kanilang bansa para makaipon ng BWF world ranking points at national prestige. – Angie Oredo

View the original article: http://www.balita.net.ph/2013/05/27/rp-badminton-umangat-sa-ranking/



Start your #business for a low #startup price of $3 at http://www.uconnective.com

To Signup you must have a #UCO coin, you can #BUY it with only $3 from ClickAlert or Send e-mail at clickalert@ymail.com or Call/SMS to +1 (202) 599-1808 and start earning $51 per day!