DUBAI, United Arab Emirates (AP) – Umabante si Tomas Berdych sa quarterfinals ng Dubai Championships kung saan ay naisalba nito ang 12 sa kanyang 14 break points upang talunin si Tobias Kamke ng Germany, 7-5, 6-1.
Pinataob naman ni Juan Martin Del Potro si Somdev Devvarman ng India, 64, 6-4, upang umentra rin sa susunod na round.
Nagtungo si Diego Maradona, ang itinalagang ambassador para sa Dubai Sports Council, sa korte upang yakapin ang Argentine na si Del Porto matapos ang laro. Nakasuot ng polo shirt at pants, humirit si Maradona sa ilang pagpalo ng bola kasama si Del Potro kung saan ay nagkaroon pa ito ng volley winner.
`’It’s a pleasure to share moments with Diego,” pahayag ni Del Potro hinggil sa dating Argentina football great. `’All the Argentinian people love him, and he’s our No. 1 representative on the world in the sports. You know, to play some balls with him here in this stadium, it’s amazing for me. He played really well, not like soccer, but he can hit the balls with me.”
Pinataob ni Nikolay Davydenko ng Russia si Victor Hanescu ng Romania, 6-4, 7-6 (2), habang dinispatsa ng German qualifier na si Daniel Brands si eighth-seeded Mikhail Youzhny ng Russia, 6-4, 6-4.
Umungo si Berdych sa 4-2 at 53 sa unang set subalit hinadlangan siya ni Kamke tungo sa 5-4 hanggang sa 5-5. Pagkatapos ay nalusutan ng 90th-ranked German ang limang set points bago humirit si Berdych upang pagwagian ang set.
Sinabi ni Berdych, umentra sa quarterfinals sa ikaapat na sunod na tournament, na dumausdos ang kanyang hataw kayat kinailangan niyang mag-adjust mula sa indoor courts sa Marseille patungo sa mabilis na outdoor courts sa Dubai. Inireklamo nito ang tensiyonadong araw at kondisyon ng hangin.
`’It was a tricky one and not one of my best games,” pahayag ni Berdych. `’I'm happy with the way it went. Just enough to win in two sets. I was really trying to extremely focus on every single point because you don’t know what can happen, what the wind will do.”
Related Posts:
- Djokovic vs Murray sa semifinals
- Davydenko, pinataob ni Roger Federer
- Unbeaten run, napalawig ni Djokovic
- Federer, Murray, nangibabaw sa Dubai
- Djokovic, Federer, umusad sa quarterfinals
View the original article: http://www.balita.net.ph/2013/03/01/berdych-pasok-sa-quarterfinal-round/
Start your #business for a low #startup price of $3 at http://www.uconnective.com
To Signup you must have a #UCO coin, you can #BUY it with only $3 from ClickAlert or Send e-mail at clickalert@ymail.com or Call/SMS to +1 (202) 599-1808 and start earning $51 per day!
No comments:
Post a Comment