No. 1 overall weekend TV program sa buong Pilipinas ang Valentine’s episode ng Maalaala Mo Kaya noong nakaraang Sabado. Humataw ang episode na pinagbidahan nina Ketchup Eusebio at Meg Imperial ng 37% sa national TV ratings ayon sa data ng Kantar Media. Lamang ito ng 21.1 puntos sa katapat na Magpakailanman (15.9%).
Higit pang kuminang ang MMK kamakailan sa pinakabagong pagkilalang nasungkit nito sa 2013 New York Festivals (NYF) World’s Best Television and Film. Nominado sa naturang festival para sa Best Performance By An Actress category si Jane Oineza, ang bida ng kontrobersiyal na “Manika” episode noong nakaraang taon.
“Ang MMK po ang nagbigay sa akin ng break. ’Yun po ang first kong lead role at binigay ko po talaga ang best ko,” ani Jane na gumanap sa episode bilang si Nene, ang batang inabuso ng amain sa harap ng kanyang ina. “Malaking honor po kasi ang maging part ng MMK. Alam naman po natin na bawat episode nila, may puso at may aral na matututunan. Bawat kuwento po nila talagang pinaghahandaan.”
Samantala, heavy family drama ang handog ng MMK ngayong gabi tampok si Boots Anson-Roa na gaganap bilang Tesa, isang babaeng hinalay ng kanyang kuya na pilit ikinubli ang katotohanan para sa katahimikan ng kanyang pamilya.
Kabituin ni Boots sina Assunta de Rossi, Dimples Romana, Sofia Andres, Allan Paule, Lito Pimentel, Carl John Barrameda, Lander Vera Perez, Laisa Comia, Jillian Aguila, Eda Nolan, at Tess Antonio. Mula sa pananaliksik ni Alex Martin, script nina Benson Logronio at Arah Jell Badayos, at sa direksyon ni Czarina Mae Cruz.
Related Posts:
- Jane Oineza, gaganap bilang dalagitang may cerebral palsy sa
- Aiko at Joey sa ‘MMK’
- Batang ni-rape sa harap ng ina, isasabuhay sa…
- ‘MMK,’ may special Valentine’s episode
- Pagmamahal ng lola sa ‘MMK’
Start your #business for a low #startup price of $3 at http://www.uconnective.com
To Signup you must have a #UCO coin, you can #BUY it with only $3 from ClickAlert or Send e-mail at clickalert@ymail.com or Call/SMS to +1 (202) 599-1808 and start earning $51 per day!
No comments:
Post a Comment